ບົດລາຍງາຍຂ່າວ ກອງປະຊຸມຮ່ວມອົງການສາກົນ

ທີ່ນະຄອນຫລວງແບັກແລັງ ປະເທດເຢັຽຣະມັນ ຄັ້ງວັນທີ່2 ທັນວາ 2012

ໃນວັນທີ່ ສອງທັນວາ 2012 ໄດ້ມີການ ຈັດກອງປະຊຸມກຽ່ວກັບບັນຫາການເມືອງລາວ ຂຶ້ນ ທີ່ ນະຄອນຫລວງແບັກແລັງ ປະເທດເຢັຽຣະມັນ ໂດຍແມ່ນອົງການພັນທະມິຕ ເພື່ອປະຊາທິ ປະໄຕ ໃນລາວ( ADL) ແລະ ອົງການເພື່ອຊາວໂລກທີ່ຖືກກົດຂີ່ ( INDIGENOUS) ເປັນເຈົາພາບ ຈັດຂຶ້ນ. ໃນກອງປະຊຸມ ມີຜູ້ຕາງຫນ້າອົງການ ອົງການນິລະໂທດກັມສາກົນ, ຜູ້ຕາງຫນ້າຂອງອົງການສາກົນ ດ້ານກວດກາ ແລະຕິດຕາມການສໍ້ກົງ, ນອກຈາກນັ້ນຍັງມີຊາວເຢັຽຣະມັນ, ຜູ້ຕາງຫນ້າ ອົງການ ຈັດຕັ້ງຕ່າງໆ ຂອງລາວ ແລະ ຊຸມຊົນລາວຜູ້ຮັກຊາດ ຮັກປະຊາທິປະໄຕຈາກປະເທດເຢັຽຣະມັນ ແລະ ຝຣັ່ງ ເຂົ້າຮ່ວມ ຫລາຍທ່ານ. ຂັ້ນຕົ້ນຍານາງ ດຣ. ບຸນທອນ ຈັນທະລາວົງ-ວີເຊີ ປະທານອົງການ ພປລ ໄດ້ຂຶ້ນກ່າວ ກ່ຽວ ກັບສະ ພາບຂອງລາວ ໂດຍໄດ້ເຖິງການຖືກກົດ ຂີ່ຂົ່ມເຫັງ ຂອງປະຊາຊົນລາວ ພາຍໃຕ້ ການປົກຄອງ ແບບ ຜະເດັດການ ຄອມມູນິສພັກດຽວ ນັບແຕ່ປີ 1975 ເປັນຕົ້ນມາ ແລະ ໄດ້ມີການສາຍຮູບພາບຫລັກ ຖານຕ່າງໆ ນັບທັງໄດ້ກ່າວເຖິງສະພາບການຄອບຄອງ ຂອງວຽດນາມໃນລາວ ແລະ ຈີນໃນລາວ ປະຈຸ ບັນ, ກ່າວເຖິງການສໍ້ກົງອັນຮ້າຍແຮງຂອງຜູ້ກຳອຳນາດໃນລາວ, ການຄ້າມະນຸສ ໄປປະເທດເພື່ອນ ບ້ານ, ບັນຫາຢາເສຍຕິດ, ບັນຫາການປາບປາມຈັບກຸມປະຊາຊົນລາວຜູ້ຮຽກຮ້ອງເອົາສິດທິຄວາມ ເປັນທັມໃນລາວ, ນັ້ນຍັງໄດ້ກັນນັ້ນຍັງໄດ້ກ່າວເຖິງການເຄື່ຶ່ອນໄຫວຕໍ່່ສູ້ຢ່າງບໍຢຸດເຊົາຂອງລາວ ຜູ້ຮັກ ຊາດຮັກປະຊາທິປະໄຕ ທີ່ອາໃສຢູ່ໃນປະເທດຕ່າງໆໃນທົ່ວໂລກ. ຈາກນັ້ນແມ່ນການກ່າວຄຳປາໃສຂອງ ຜູ້ຕາງຫນ້າ ຂອງອົງການສາກົນດ້ານກວດກາ ແລະຕິດ ຕາມການສໍ້ກົງໃນປະເທດຕ່າງໆ ( Transparency international) ທີ່ມີສູນກາງ ຕັ້ງຢູ່ເມືອງຫລວງ ແບັກແລັງ ທ່ານເອງເປັນຊາວອຽກລັນ . ທ່ານໄດ້ກ່າວເຖິງຈຸດສຳຄັນຂອງອົງການນີ້ວ່າເປັນອົງການ ທີ່ເຂົ້າໄປລົງເລິກ ຕິດຕາມ ການສໍ້ກົງຢູ່ໃນແຕ່ລະປະເທດໃນທົ່ວໂລກ ດ້ວຍແບບແຜນ ການຕິດຕາມ ຫລາຍຮູບແບບ, ສຳລັບ ປະເທດລາວ ອົງການນີ້ກໍໄດ້ຕິດຕາມກວດກາ ຜ່ານມາ ແລະ ກຳລົງມີແຜນ ການ ຈະຈັດຕັ້ງຜູ້ຮັບຜິດຊອບສະເພາະລາວອີກ. ທ່ານກ່າວວ່າ ທາງອົງການ ຂອງພວກ ເພິ່ນຍິນດີຈະ ຊ່ວຍ ທາງເທັກນິກແກ່ ພປລ ທີ່ເປັນຂະບວນ ການຂອງລາວເພືອປະຊາທິປະໄຕ ໃນການຕິດຕາມການ ສໍ້ກົງ ໃນລາວ ໃຫ້ມີ ປະສິດທິຜົນ ( ສະຖິຕິປີ 2011 ຂອງອົງການດັ່ງກ່າວທີ່ຮຽກວາ Corruption Perceptios Index – CPIແຈ້ງເປັນທາງການວ່າ ປະເທດລາວຈັດຢູ່ ອັນດັບ ທີ່ 154 ຖືກຈັດຢູ່ໃນປະເທດທີ່ມີການ ສໍ້ກົງ ຫລາຍ ທີ່ສຸດ ,ວຽດນາມ ອັນດັບທີ່ 142, ປະເທດທີ່ຂາວສະ ອາດອັນ ດັບທີ່ນຶ່ງໃນໂລກແມ່ນນິວເຊ ແລນ). ຕໍ່ມາ ຜູ້ຕາງຫນ້າຂອງອົງການນິຣະໂທດກັມສາກົນ( Amnesty international ) ຜູ້ຮັບຜິດ ຊອບ ດ້ານນັກໂທດການເມືອງໃນລາວ ຊຶ່ງທ່ານເອງເປັນຊາວເຢັຽຣະມັນ ໄດ້ຂຶ້ນກ່າວເຖິງ ສະພາບນັກໂທດ ການເມືອງໃນລາວ ປະຈຸບັນ ຍັງຖືກ ກຳລັງຖືກກັກຂັງທໍຣະມານ ໃນລາວເປັນຕົ້ນແມ່ນ ຂະບວນ ນັກ ສຶກສາ 26 ຕຸລາ ສາມທ່ານຄື ທ່ານ ທອງປະເສີດ ເກື້ອກຸນ ປະຈຸບັນ ອາຍຸ 52 ປີ, ທ່ານ ແສງອາລຸນ ເພັງພັນ ອາຍຸ 40ປີ ແລະ ທ່ານ ບົວວັນ ຈັນມະນີວົງ ອາຍຸ52 ປີ ທີ່ຍັງຖືກກັກຂັງທໍຣະມານໃນຄຸກຊຳເຄ້, ທ່ານ ຄຳພູວຽງ ສີສະອາດ ໄດ້ເສັຍຊີວິດ ໃນປີ2001 ຍ້ອນຖືກທໍຣະມານຕາກແດດໃນຄຸກ, ສ່ວນທ່ານ ແກ້ວໃຈ ຫາຍສາບສູນ ໃນປີ 2002. ເທົ້າ ເຖິງປະຈຸບັນທາງການ ສປປລ ຍັງບໍ່ຍອມອະນຸຍາດ ໃຫ້ອົງ ການນິຣະໂທດກັມສາກົນມີສິດ ເຂົ້າໄປລາວ ເປັນທາງການເພື່ອໄປຕິດຕາມສະພາບການັກ ໂທດການ ເມືອງໃນລາວໄດ້. ທ່ານໄດ້ກ່າວວ່າທາງ ອົງການ ນິຣະໂທດກັມສາກົນ ໄດ້ອອກຖແລງຂ່າວ ທວງຕໍ່ທາງ ການລາວ ເລື່ອງການຈັບກຸມທໍຣະມານນັກສຶກສາທີ່ກ່າວມາຂ້າງເທິງ ໃນໂອກາດ ກອງປະຊຸມເອແຊັມ ທີ່ຈັດຂຶ້້ນໃນລາວ ເດືອນພຶສຈິກາຜ່ານມາ. ຈາກນັ້ນຜູ້ຕາງຫນ້າອົງການເພື່ອຊາວໂລກທີ່ຖືກກົດຂີ່ ທ່ານເອງເປັນຊາວອະເມຣິກາ ຈາກຮາວາຍ ສະຫະຣັຖ ອະເມຣິກາ ທີ່ເປັນສາດາຈານສອນຝ່າຍການເມືອງທີ່ມະຫາວິທະຍາໄລຮາວາຍ ແລະ ໃນນາມຜູ້ ປະສານງານ ຂອງອົງ ການສະຫະປະຊາຊາດ ກັບອົງການບໍ່ຂຶ້ນກັບຣັຖບານ ທ່ານໄດ້ຂຶ້ນກ່າວເຖິງ ລາຍ ການ ເຄືອນໄຫວສະເພາະຫນ້າ ສຳ ລັບ ພປລ ກັບອົງການສະຫະປະຊາຊາດ ໃນປີ2013 -2015 ທ່ານໄດ້ເນັ້ນ ຫນັກເຖິງຄວາມສຳຄັນ ໃນການ ເຄື່ອນໄຫວໃນນາມ ອົງການບໍ່ຂຶ້ນກັບຣັຖບານ ທີ່ມີ ຜົນສະທ້ອນ ອັນ ສຳຄັນ ໃນການພັກດັນ ໃຫ້ມີ ການປຽ່ນແປງທາງການເມືອງໃນປະເທດຕ່າງໆ. ຕໍ່ມາທ່ານ ມາກຸສ ວີເຊີ ເລຂາຝ່າຍຂ່າວສານ ພປລ ທີ່ເປັນຊາວເຢັຽຣະມັນ ໄດ້ຂຶ້ນກ່າວ ສະພາບ ດ້ານເສຖກິດໃນ ສປປລ ແລະ ສະພາບ ການທຳລາຍສະພາບແວດລ້ອມໃນລາວ ປະຈຸບັນ. ໃນຂໍ້ສຳຄັນ ທ່ານໄດ້ ສາຍຕົວເລກສະຖິຕິ ທີ່ທາງ ການລາວເປີດເຜີຍໃຫ້ແກ່ສາກົນອັນ ເປັນສະຖິຕິລາຍ ງານແບບ ດອກ ໄມ້ຂອງ ສປປລ ແຕ່ເມື່ອວິໃຈເບິ່ງແລ້ວ ຄື ໃນໄລຍະຊຸມປີຜ່ານມາເຖິງ ປະຈຸບັນສິນຄ້າຂາ ອອກ ຂອງລາວ ຫນ້ອຍ ກວ່າສິນຄ້າຂາເຂົ້າ ແລະ ມີການຂາດດູນເພີ່ມຫນັກຫນ້າໄປເລື້ອຍໆ ສະນັ້ນ ເຖິງວ່າ ການຂະຫຍາຍ ທາງເສຖະກິດຂອງສປປລ ໃນປີຜ່ານມາມີ ຕົວເລກສູງເຖິງ 8,3% ກໍຕາມ ແຕ່ກໍຈະບໍຮັບ ປະກັນເສຖະ ກິດແຫ່ງຊາດ ແລະຊີວິດການເປັນຢູ່ ຂອງປະຊາຊົນລາວໄດ້. ນອກຈາກນັ້ນທ່ານຍັງໄດ້ສາຍ ຟິມ ການທີນັກລົງທຶນຈີນຢຶດຄອງເອົາເຂດສາມລຽ່ມທອງຄຳ ແລະ ເຫດການທີ່ກອງທັບ ວຽດນາມຂົນ ເອົາໄມ້ ລາວເຂດພາກໃຕ້ໄປເຂົ້າບໍຣິສັດທີ່ວຽດນາມຢ່າງມາກມາຍ ແລະ ໄດ້ກ່າວ ເຖິງສະພາບການ ທຳລາຍ ທັມະຊາດໃນລາວຈາກໂຮງງານທີ່ມີສານເຄມີ ແລະ ເຫດການອື້່ນໆ. ບັ້ນທ້າຍ ທ່ານ ບຣູໂນ ສັກ ກັມມາທິການຝ່າຍພົວພັນສາກົນປະຈຳ ພປລ ທ່ານເອງເປັນຊາວເຢັຽຣະ ມັນ ໄດ້ຂຶ້ນກ່າວບັນຫາສຳຄັນ ແລະ ການພົວພັນຂອງລ າວ ກັບ ຢູໂຣບແລະ ກຸ່ມອາຊຽນ. ຫລັງຈາກນັ້ນໄດ້ມີການສົນທະນາ ຢ່າງຟົດຟື້ນ ໂດຍມີຫລາຍທ່ານທີ່ເຂົ້າຮ່ວມ ກອງປະຊຸມ ໄດ້ຕັ້ງ ຄຳຖາມກັບ ຜູ້ຂຶ້ນກ່າວປາໃສຜ່ານມາ ໃນຄຳຖາມທີ່ສຳຄັນຕອນ ນຶ່ງວ່າ ຈະມີວິທີການແນວໃດ ຕໍ່ການ ຊ່ວຍ ເຫລືອຂອງສາກົນທີ່ຊ່ວຍລາວຈຶ່ງຈະໄປເຖິງປະຊາຊົນລາວແທ້ ໂດຍບໍ່ໃຫ້ໄປຕົກ ຢູ່ໃນກຳມື ຂອງ ຜູ້ກຳອຳນາດທີ່ສໍ້ກົງໃນລາວປະຈຸບັນ ໄດ້ມີຄຳຕອບຂອງຜູ້ປະສານງານສະຫະປະຊາຊາດຕອບວ່າ ຕ້ອງ ແມ່ນ ການເຄື່ອນໄຫວຂອງອົງການທີ່ບໍ່ຂຶ້ນກັບຣັຖບານ ຢ່າງຈິງຈັງ ດັ່ງ ພປລ ກຳລັງເຄື່ອນໄຫວກັບ ຣັຖບານ ເຢັຽຣະມັນ ປະຈຸບັນ ເປັນຜູ້ເຂົ້າໄປພົວພັນກັບ ຣັຖບານປະເທດ ຕ່າງໆ ທີ່ໃຫ້ການຊ່ວຍ ເຫລືອ ແກ່ລາວ ໂດຍແນະນຳໂຄງການອັນຖືກຕ້ອງ ເພື່ອໃຫ້ໄປ ເຖິງມືປະຊາຊົນຜູ້ ທີ່ຕ້ອງການ ການຊ່ວຍ ເຫລືອນັ້ນ ຢ່າງແທ້ຈິງ.***                                                                            ສລຸບຂ່າວໂດຍ: ຜູ້ຕາງຫນ້າ ພປລ